台語(taigi)

Sunday, April 24, 2005


babylon window Posted by Hello

Babilong(babylon) nńg-thé

Babilong(babylon) hoan-e̍k sû-tián nńg-thé.

Beh tī chia kā tāi-ke siàu-kài chi̍t-ê hó-ēng ê nńg-thé, hō-chò "babilong" (babylon).

Chit-ê nńg-thé tùi 1997-nî khai-sí chiūⁿ-chhī, sī chi̍t-thò ē-sái tn̄g-bāng sî, iā ē-sái tī chiūⁿ-bāng sî ēng ê nńg-thé. Chú-iàu sī ūi-tio̍h Eng-gí chò bó-gí ê lâng lâi siat-kè. I ê hong-piān sèng ū ē-bīn kúi-hāng.

(1)Put-kóan sî, tī tó-chi̍t-ê nńg-thé, lóng ē-sái chhâ-khó gōa-kok-gí sû-lūi ê ì-gī. Chí-iàu ēng mouse kā beh chhâ-khó ê sû tiám--chi̍t--ê tio̍h cháu-chhut chi̍t-ê thang-á lia̍t-chhut hit-ê sû ê hoan-e̍k tùi-chiàu.
(2)Chi-ôan chiok chē chióng gí-giân, pau-koat Tiong-gí, Ji̍t-gí kap chē-chē ê Se-Au gí-giân.
(3)Lēng-gōa koh ē-sái chhâ-sû kok-kok hòe-pè ê kau-ōaⁿ-lu̍t.
(4)Chit-ê nńg-thé sī kiōng-iōng nńg-thé, ē-sái bián-hùi chhì-ēng. Nā beh pó-chûn, ē-sái hù-hùi lâi bé.

Chhiáⁿ tāi-ke khì www.babylon.com lia̍h-lâi chhì-ēng.

Monday, April 18, 2005

Tē-it-pái ê bāng-chì

Tāi-ke hó:

Chit-phiⁿ Tâi-gí bāng-chì sī góa tē-1-phiⁿ--ê, āu-pái hi-bāng ē-sái tī chit-ê sin ê hoe-hn̂g kap tāi-ke ōe-sian phò-tāu.

Makatau Loan